فن النميم في اسوان
في مدونة كذه معلومه اليوم سنتحدث عن فن النميم في أسوان وهو فن من أصل سوداني لكنه انتشر في جميع أنحاء محافظة أسوان.
علي يد ( احمد الامين - وابو حسن العقباوي - والليثي ) ومن اهم الشعرء هو (عوض الله الزعواط) ولاكن للاسف لا يعرفه الكثير.
وفن النم او النميم أقدم من فن (الكف) ، وفن الكف هو أحد أنواع الفن الموجود في أسوان ، وإن شاء الله سنتحدث عنه في مقال آخر ، واليوم لنعرض أمثلة من فن النميم وأبرز الشعراء.
من أبرز الشعراء المبدعين في فن النميم بأسوان:
الشاعر زين العابدين عبد الرحمن
وقال:
صلاة الله عليه صلة الرحم أصلها
وفى صحيح الحديث تفصيل مبين فصلها
ودعوات القطيعة دعانا نستأصلها
وبالله الدوام دايم لمن واصلها
من الرحمن حروف اسم الرحم أشتقت
كل ما خاطبنا بيها المشاعر رقت
يا قاطعها فووق أجراس مخاطرك دقت
وقاطعها القطيعة عليه من الله حقت
فى بحر المعايش قدفوا الناس عاموا
جل جلاله ربى المعطى فى إنعاموا
رازق المبصرين سبحانه واللى اتعاموا
والشاق الخشم قادر على إطعاموا
مرادك طلته أبشر يا خواجة أفندى
وبيان حالتنا لجبين الليالى بيندى
اعجبنا دستور ناس أوباما وغاندى
حتى ضميرنا أصبح صنعة صينى وهندى
اسفين يا ديار عنك قطعنا اترنا
وهبوب الغربه كل منقول سكن بعترنا
لو باالاختيار غيرك و لا اخترنا
انتى غنانا والطرب الاصيل فوترنا
وقال علي شهر رمضان:
رمضـــــــــــــــانيات
بسم الله واهبنا الحياة من ماء
خلق ادم ابونا وعلمو الاسماء
وقليل من علمو كل البينوه علماء
رزق الدابة بين صحرا وصخور صماء
لايضروه عصاه ولا ينفعوه طايعين
وارسل رسلوا لفلاح الأمم داعين
للكافر عذاب ميت بكفرو لعين
وطايع ربو فى جناتو والحور عين
صفى حياتو بالسيئات ولا كدرها
وحمد الله على النعمة وتمام قدرها
وخسر العاصى لو للتوبة ما بدرها
وخاب بحياتو فى مهب الرياح ودرها
ورمضان جانا ايقظ فى القلوب غافلها
فتح رضوان جنان مالك الجحيم قافلها
ثلاثين يوم تمام والامة فى محافلها
تصومو وتسعى فى دروب فضلو بنوافلها
ونورنا الاماكن زينة بمصابيح
والذكر الحكيم رتلنا والتسبيح
ونبرأ من عمل فى الماضى صفتو قبيح
وكم حرمات وفى ضعف النفوس بتبيح
وحشنا قدومو لهلالو انتظرنا بدية
شهر الله وانزلو لينا رحمة هدية
ومن كان فى كسل ادى الامور جدية
شمر ساعدو يغنم فى ليالى ندية
شهر البركة يا اجمل هلال هليت
وحليت بركة تملا ديارنا ان حليت
وصفيت القلوب نارت صداها جليت
هزمت هوى النفوس فينا الهمم عليت
يا أجمل هلال فى نورك اتملينا
صيام فى بهجة فى تقوى وقيام صلينا
يارب العباد بالخير تعودو علينا
ولا يشهد علينا ويبقى شاهد لينا
وليلة قدرو عندك ربى ما تشكينا
واملاك السلام تهبط علينا سكينة
زكاة مفروضة فيها الطهر وبتزكينا
سامح فى ذنوب نادمين عليها بكينا
واجبر كسرنا واجمع شتات شاردين
ناس من فكرهم يوم الحساب طاردين
ينصرو غيهم ما كانو أنصار دين
وعبدو الدنيا فوق بحر الفتن واردين
وادى الفتنة فيه بيطوفو عملو مزار
ساعين للفساد كم حملو من أوزار
جعلو المشيب إنذار
واقبح من ذنوب للضال تجد اعذار
عابو زمانهم والعيبة فيهم باتت
وغشو النية نيتهم بخير ما آتت
فى غفلة وسهام الغفلة فيهم فاتت
وشاعرهم يخاطب فى مشاعر ماتت
وواعظهم يعظهم والضمير مفقود
ومدفون فى قبور ما بيصحو ليها رقود
واكلو من الربا وبالزور احلو عقود
وما ينبت حرام للنار مصيرو وقود
اذا قبلت الحرام يخلف متاعو وبال
ولا الجوهر يفيدك في ملكتو جبال
ولدنياك مستحيل إن ادبرت إقبال
واهل الطاعة فى عزة وصلاح البال
والإيمان أمان وخلافو خوف ومهانا
والموت آتى لاشك ان املنا لهانا
شريعة ربى نور ما تكهنوها كهانا
مبعوث بيها نور هادى وامرنا نهانا
مولود فى عناية من الإله معنية
للتوحيد رسالتو ويبطل الوثنية
فى عز الحياة بيها ان عقدنا النية
وحسن الخاتمة تبقى ان داهمتنا منية
ننضام واحنا تابعين الحبيب حاشانا
كتابنا باليمين ابليس ولا غشانا
نورد حوضو يوم فيه العباد عطشانا
ندخل جنة والنيران ولا تغشانا
ندخل جنة بشفاعتو ويجو نجاه
جعلو البارى فوق باب القبول فى رجاه
صلاة الله عليه ماحى الظلام يوم جاه
صلاة الله عليه احمد عريض الجاه
وذهب الرجس وسبحان الاله طهرهم
واذا ذكر الشرف شرف لاالعباءة شهرهم
على مر الدهور فتن الشموس مظهرهم
آل البيت وفى الدر النفيس جوهرهم
والصحب الكرام ياصاحى نصرة وهجرة
صادقين بايعوه والبيعة تحت الشجرة
وعلى راحتهم للنعمة منهم اجــــــــــرا
وضامنين فى يقين ربح الكريم فى التجرة
عليهم والسلام صلوات إلهى أدمها
وسيرتهم شرف راجى القبول خادمها
وابواب رحمتك ما خيبت قادمها
وبيوت الظالمين فى قدرتك على تهدمها
غياث المستغيثين قدرتك أنزلها
اكسر شوكة الظالم جيوشو ازلها
وفوق ارضك مكان ماداس قدم زلزلها
وحيطو بمكرو يهلك فى شباك غازلها
وفى ايد قدرتك عجل شللها يداه
واظهر حقنا ووفقنا نحيا فداه
وفى رابطتنا نربط كل سبيل لعداه
ولانقبل سواه شرعك نلبى نداه
وللناظم ذنوب ياربنا وتغفرها
تقبل ندمو عنو السيئات كفرها
زين العابدين والراحة ما يوفرها
لنفسو مع القوافى الرحلة بيسافرها
وطول الرحلة طال ليلو ويساهر سهدو
وكم حايل قوافيه ؛ الثريات شهدو
عساه ان يعود راضى الضمير فى جهدو
وللشاعر عهود فى شعرو يوفيه عهدو
يعايد ارحامو يترجى القوافى وصال
صلتهم فينا نشـــأ المية والصلصال
شعرنا ودادهم كان ما بلغنا فصال
نسالمهم دوام الغدوة والآصال
ومع الجيران جميل الذكريات يجمعنا
وأخص الصحبة أهل الإختصاص فى المعنى
كم سمعونا كم كانو المراد لسمعــــــــــــنا
ويوم لقيانا الغاية فى مطمعنا
باركى فيهم وأرحم الاموات
بحق العيد وما كبرنا فى الصلوات
فى رضوانك اجعل لليالى فوات
وللدعوات قبول ان طابت الاقوات
وجنبنا الحرام وقوى النفوس تاباه
وعارف دينو بالعودة الاله حباه
وصلو على النبى رب العباد انباه
نصلى عليه نكون فى الاخرة من حسباه
وكل عام اخوة طيبين مؤمنين آمنيين
وزين العابدين يكتب رسايلو سنين
وكم فى الغير يخاطب وانسجامو ضنين
وتحكي رسايلو أولها وختامها حنين..
الشاعر احمد خالد
قال عن الاصحاب:
عندي صاحب الله حس لا أسكتلو.
طيلة عمره خيِّر غلطه ما اتمسكتلو.
ولا بتعنيهو بكت الدنيا أو ضحكتلو
وبقول الحق لو كانت عواقبو كتلو
وعندي خل عينيه بالعرق متكحله
شقيان والهدوم طوالي فوقيه وحله.
عند القرش وَرّ يوِرّ زي النحله.
خلف مطامعو متبهدل ومسحول سحله..
وعندي خل تشغل سر ياجيك كاسر.
يروح الكف لو فرشت قبيلتو محاصر
يشك الزفره لو عمار فمركز ناصر.
ويصحي يتُك تلفونو ويشغل ياسر.
وعندي صاحب الكسل اللي فيه ما فحد.
لسانه اتلحلح ان قالولو يبقي بحد.
فشغلانة التلات يقعد يأجل حد.
نهار الجمعه يعملها وبنوم للاحد.
وعندي خل ماسك في نوافلو وفرضو.
وشايف نفسه فالناس المقصره برضو.
عايش في أمان الله ومستر عرضو.
وكلمته بيها طرفين المنازعه يرضو.
وعندي خل بيحب النميم زي عينو.
ولا في فخشمو غير أبشر جديدك وينو.
بحق الملح والعيش اللي بيني وبينو.
كرهت النم بي سببو وكرهت سنينو.
وعندي خل مخلوق الكدب علشانو.
قليِّل ونفسه بين الناس يكبر شانو.
يغشك بي كلامه وقنطرة شيشانو.
ومسيلمه ذاتو ما علق رُبُع نيشانو.
وعندي خل ألللل ألللل اليوم كلو.
إذاعة الراديو علي جمب ان حضر تركنلو.
يعيد ويزيد مفاصل خشمو ما بيكلو.
اللي يصاحبو هسهس فالنفوخ يسكنلو.
وعندي خل للأسف الشديد نسونجي
وأزرق منو أبيض حبتين الزنجي
أدوبو يلاغي في ليلي ويحوم ورا انجي.
أبن الهرمه متدردح قوي وكلمنحي.
وعندي خل عالريق بيرتكبلو كبيره.
هاتو ف لف وخوابير وبودره وبيره.
الكم البيسطل عندو هه تصبيره .
مصيبة الزبو من جيهة كبيره كبيره.
وعندي خل عايز بس يلعب كوره.
أبن الإيه تقول من عائلة بانجوره.
تخلَص فوره ينزل تاني يحجز فوره
ويرجع اما متكسر او العين عوره.
وعندي خل يحتار المواسي فأمرو.
داخلو الهم والأحزان بيسرو ويمرو.
نفسه مخيله ليه الناس عليه بئتمرو.
و متنكد مضيع ف التشاؤم عمره
وعندي خل بي تجري البراده فدمو
تحرج زي ما تحرج فيه ولا بيهمو.
شاي يبزع أكل ينزل بخشمو وكمو.
تعزمو لفطره عزبيلة الفجر ما تلمو.
الشاعر حسن عبدالرحمن
وقال:
كم ألفنا من قافية و معاني عرضنا
وكم قبلنا من فاهم نقد عارضنا
وكم اتقاننا لحجار الحسد عرضنا
وكم وكم وكم عن جاهلين اعرضنا
مهما استقوي همي وزاد علي واتجبر
وعبا جرابي مكيال المأسي وعبر
اتوكل علي العندو الامور تتدبر
اقول يا صبر طيب واحتمل واتصبر
دايما القي اطواق النجاه في صبري
صبري اليوصي في نفسي ويقول اصطبري
مجروح ااجي فيه القي البلاسم التبري
ويمددلي فوق بحر السواقط كوبري
بي ايدي مراكبك يا صبر ناجرها
في حبالك هواجس الاندفاع زاجرها
اسواقك اقيف وانده علي الهاجرها
ياالسلعة ال ابدا ما خسر تاجرها
وقال في حق الشاعر زين العابدين:
الصاحب العزيز مهما ابتعد واعيلو
بيننا عشرة في قلبي الوداد زارعيلو
والدرب المشاه حتما غدا ساعيلو
كل ما غشانا رمضان الكريم بدعيلو
يا الخل البلا تكليف شقيق بعتيرك
بتصبرني في بعادك مواكب صبرك
الله يرحمك يا زين ينور قبرك
ويوسع يمد مد البصر في شبرك
تعليقات
إرسال تعليق