عندي صاحب الله حس لا اسكتله

 الشاعر الاسواني  احمد خالد ( قصيدة امي ) 2021

أمــي

امي فبلدان الله مكه

  

ومدينة النبي فالإستقبال

 

  هيا اللي ظروفي تكون عاكه

  واشوفها وابقي فراحة بال

الست اللي بتضحك دايما

وتداري فحمل يهد جبال

لما ابقا مسافر تندهلي

وتقعد وترتب ف الأفكار

تديني السبحه وتقرالي شوية أذكار

وتفضل تحشيلي فالشنطه

ف حاجات عاملاها من بالليل

ايشي بط ووز وإيشي زغاليل

وحاجات ملفوفه تشبع فيل

الشنطة بتبقي تهد الحيل

مع انها عارفه اني بزرجن  فحكاية الشيل

وتقولي استني هزود عيش 

وتاخد ساعه تطبقلي في شهادة الجيش

وتقولي الساعه هتنساها

تليفونك كان ع الكوميدينو

الشاحن ضاع مش لاقيينو

من يومك عيل مستهتر

وبترمي الحاجه فأي مكان

زي خوالك

ولو حد اتكلم وياكم تعملو قلبان

نوران لقت الشاحن مرمي

تحت الكنبه. شغل استعباط

نور عامله فنجع القبلي شياط وشغاله عياط

حاول لو حتي هتتأخر روح وراضيها

ام محمد امبارح جات قالت 

والنبي وانت مسافر عدي عليها

كانت بتقول هتودي حاجات لبنات خالها

اختك معلش استحملها آخر العنقود

بالمره تسلم علي زينه وحمزة وعبود

واسمع متفوتش من الشارع ديا

فيه ناس قاعدين وفيه واحده هناك انا عارفاها

  عينها قويه وهتاخد عين

وانا وانت يا ولدي مش نافصين

اطلع م الناحية التانيه امان

بالمره تعدي علي الدكان

 وتجيب لك جل وتنيم شعرك ده شويه

  

تسريحتو تعل فيه حد يسافر مصر الصبح

من يومك وانت وتفكيرك علي عكس الكل

وتقولي استنا.  استنا

توصل علطول وتطمني

  حتة برنه. وتفضل تدعي

واسلم بس ومحضنهاش

فيه حواجز احنا بنعملها

بينا وبين أقرب ناس لينا

 مبنكسرهاش...

نميم احمد خالد

أرض الإشتياق واللهفه صبحت جدبه

لا زيتون ولا ريحة عنب لا قضبا. 

طلع الحب من بعد التجارب كدبه.

حتي الذكري في دوقتها بقيت عدبه.

كدبو القالو في آخر الغرام فيه جنه. 

روحنا ألقينا في ضهر الوفاء فيه إن. 

طلع الحب بيميل للمظاهر سنه. 

في صالحنا موضوع إنه يبعد عنا.

كام غشاشه يا تسبيلة الأهداب.. 

ما بتخلي لدخول الغرام آداب.. 

حتي الحب مش قد الكلام كداب. 

ساكت رمش روميو وقيس وعنتر داب.

كل يوم الغرام بي حال مغير طبعو. 

سبعو بيبقا ساعات في زنازن ضبعو.

كل العاشو في رأي القلوب يتبعو.

أكلو فحنضل الشوق بالنفر لما شبعو.

الحب شجره وين وين تلقا فيها ثمار.

كل اليمشي وري قلبو الحقيقه حمار. 

فيلم الحب فيه متفاوته الأعمار 

سِلْم بدايتو لاكين النهايه دمار..

بلا ريد بلا غرام تفتحش لينا قواضي

معانا معايش الصبح انت راجل فاضي

الناس ديلا بدلهم معايا يا قاضي.

وانا لو حاخد اليوم كله أعزق راضي.

كداب الغرام عالفاضي ماخد سمعه.

لو الريد الخميس الشوق تعرفو الجمعه.

البيحب إيه بي يجني غير الدمعه.

يولع شمعه زي جرجس ويطفي فشمعه.

مختوم حرفي بي ختم النميم الملكي.. 

تعب امبارحي واضح في نضارة ضلكي. 

جو المعني بعرف آكلو ميري وملكي.

أنا الحطمت رقم السابقين الفلكي.

مراية الحب طرشه وخنفه مش بس عميه. 

واللي اتباعوا ما تشيلهم متاجر جوميا. 

كل الأخدتو فسكة غرامه الحميه.

كانت آخرة اخلاصو و وفاءو الرميه.