عندي صاحب الله حس لا اسكتله

نميم احمد خالد ابو هاشم امير النميم 2021

 

خلاص المعني أوراقو المخضره حتو. 
حتي زبونو يتفرج شحاته شحتو.. 
حشيل إسمي العلي صدر المبالي نحتو.
وهعمل فيديوهات مع سمعه وأم شحتو..

مين الزيي عالريق المحنضل شربو.

ومين الزيي بيقابل بيضحك كربو.

ومين الزيي عششت الظنون في دربو.

وكل دواخلو من غدر المحبين خربو.

بختي بتعشق اللحن الحزين أوتارو.

وفالبيدور فقماعتي العقول يحتارو.

نزل يوم عرض شكواي الزمن بي ستارو.

وخنق الصبر والبعد أُضطررت اختارو.

فلان سمع اليدان شمر وبطل رطو 

ومداخل فاهو بالصلصه وخلافها اتغطو. 

وبعَد ما غلو فشاه في حمامو وبطو.

نام علي ضهرو والكرش الحصين ما ينطو.

الناس فاقده فالعيشه الكريمه أملها.

وأخطاء غيرنا مجبورين بنتحملها.

كل ما أبص في حالتنا واتأملها.

أنعل جد ابو الثورات وابو العملها.

فيه راجل معلق بالمساجد قلبو.

وناس إبليس مع التقوي ال فمضغتو غلبو.

وراجل نفسه بي رغم المشيب بتغلبو.

وغارز لسه في عنق المعاصي مخالبو.

اتنحف جدار صبري السمين وسميك.

وطُعنت يا ضهري من إيد مفترض تحميك.

علي مين ولا مين محتار يا لوم أرميك.

حيرة المادغ الحوليه المكان سيراميك.

ليه العمر يقضي الزول تلت ترباعو.

فقالو وقلنا خاطط يا رفاقه صباعو.

أولي المرء يفرد بالتسامح باعو.

ويشتري حتي فالنكرو الجميله وباعو.

وكل ما اقول اتوب واترك زمام النمه.

تحاصرني الحروف في راسي تعمل لمه.

وتضعف داخلي قدام الجميل الهمه.

واعصر مخي لما تغرق فعرقو العمه.

أشيل الصبر واتجمل وازور التربه.

وأبكي ويبكو حوليا الصحاب والقربي.

وأغمت في تراب قبرو وأقول وا الكربه.

حتي فدفنتو اتكتبت عليه الغربه..

باب المدعين أبخالد أتقن قفلو.

وبالنصر المزيف سابهم يحتفلو.

جاب الكلب علي جيدو الحبال لفلفلو

وسابو بيعوي والقافلات ولا بتوقفلو.

الجثث العلي الفيس بين خسيس وجبان.

عايز تفتن البينهم ترابط بان. 

مهما تخش بينا تعالب وغربان

بنتعكر  صحاب عادي ونعود حبان

يالحولك بيملوك سبعه وي عشرين. 

بكره أواجه ال عالفاضي فشارين. 

يالبين البصل وي قشرو حشارين..

شارين عمرو وانا برضك من الشارين..

اسمع ليّ وبطل هرتله يا خميس. 

ولملم قولك المكسور وصُرو فكيس.

الصاحب الوفي اليزن الأمور ويقيس

وحبايب احنا وانت العاز فتن ورقيص.

اسمع نمة البرع البعيد في شردو.

وزور بستانو واتأمل فمنظر وردو.

وشوف كيف سوا بالطول لسانو فسردو.

وشوف كيف باعو للناس الصبيه بِفردو..

الولد العشان الحرب دقدق طبلو.

هشررك سلك تغكيرو وهشيَّط كبلو.

الجاييني بي طوبو وأساتكو ونبلو.

حد يفرِّجو فجثث الضحايا القبلو.

الولد القطع بي إيدو لقمة عيشو. 

يورين كيف هيتحاما فشكاير خيشو.

يواجه يبقا ف القائد المسلح جيشو.

ويتحمل عواقب إندفاعو وطيشو

جاهز أواجه البِتملا فمحيط أرضو.

وجاهز أواجه الخلف الكواليس برضو.

أنا السيد عليكم ترضو او ما ترضو.

وفارض حرفي في كل المحافل فرضو..

انا الفي إيدي أعداء من حديد بنصهرو..

وبعيش مضطر فالزمن الرجع بي ضهرو.

حد يرجع الولد البيعرج مُهرو..

يعيش في حسرتو خساره ويموت بي قهرو..

شايف الغابه مُلئت بي ثمار الخسه..

وشفت كتير و لحشوف فالمهازل لسه.

بس لما يظهِر السبع الغضنفر حِسا 

كل الغابه تلتزم الجحور تتدسا.

لإمتي هتبقي للباعتك دنب طرطور.

وتوقفي كيف يا لحمه طريه للساطور.

بحق الأنزل الاعراف وقاف والطور.

لحعمل من كبودكم للمبالي فطور.

بَكرَه أواجه الراجل الكما الحربايه.

وبدقو واكرو وابلعو بلعة الحبايه.

وقبل الشاي ما يوصل آخر الكوبايه.

بعرف اعقل الناقص عقل وربايه.

خسارة اطلع الدر المقرو حشايا. 

وعيب لما يبقي بي عيل بشخه عشايا. 

ومن عينيا إذا شلتك أيا قشايه.

دم أعدائي بفرشو فرش عالمشايه

فيك من قمت يا كار المعاني أنازل.

وكام هديت علي رووس الهفايا منازل. 

أرجع فاليدوب بي يحبي ما متنازل

خلاص أعيلت والأسهم بقت فالنازل

مليان دمو بي حقد وغباوة وغيره.

وفات في عندو عند وليد بن المغيره

عايز يرمي وي عايز تكونلو الغيره..

وهدفو يبين الناس الكبيره صغيره..

صعبة مواجهة الزول التلألأ نجمو..

بحب الراجل اليرجع ويعرف حجمو.

إحنا القولنا وياه العباد ينسجمو.

وجَمّ أدبنا والينكر هَجومه نهجمو.

أم الدنيا بين جيرانها وشها جيَّر.. 

وبين الصعب والأصعب ولدها مخيَّر. 

آخر بختها الماسك شؤونها اتحيَّر..

أحلق شنبي لو عدَّل فحالها وغيَّر..

أنا السبتك أنا البعت وخلفت الشوره..

ياريت الكلمة قعدت في حشاي محشوره..

بعيش ودموعي فوق حبل الندم منشوره.

وبسوي سواية الشيعي ف نهار عاشورا..

مصطفي كان بِبِر آباءو والأمات.. 

وكان الحل وقت الشده والأزمات.

عاشها بسيط يقابل الكل بالبسمات.

وعرف الفيها واختصر المسافه ومات.

داقق فقري أوتادو الطويله الزرقه.

بحري وقبلي متحاوطني غربه وشرقه.

مكتوب في جميع أسطر حياتي الفرقه.

أنا سلطان سلاطين البكا البي حرقه.

تذاكر الدمع يا عينيا محجوزالك

وارجع فيكي يا فرحه وتلمي عزالك

حاسس قلبي منكوته فمشاعرو كزالك

إيه فحياتي سويت كي أمُر بي ذلك

آه آهين إذا زلَّت قدامك و رِدت.

جروحك تشفي بي كلمه وبكلمه تمِت.

تزهزه مره آمالك ومره تحت.

أمر عذاب واحلا عذاب صحيح يا ست.